Bakının Yasamal rayonunda bıçaqlanma hadisəsi baş verib.
Hadisə rayonun Talıblı küçəsində baş verib. 1979-cu il təvəllüdlü Gülməmmədov İlqar Teyyub oğlu naməlum şəxs və ya şəxslər tərəfindən bıçaqlanıb.
Yaralı dərhal xəstəxanaya aparılıb. Ona sol kürək nahiyəsinin kəsilmiş-deşilmiş yarası diaqnozu qoyulub. İlqar Gülməmmədov təcili olaraq əməliyyat edilib. Vəziyyəti orta ağır olaraq qiymətləndirilir.
İkinci hadisə rayonun Zərgər Palanı 87 ünvanında baş verib. 1995-ci il təvəllüdlü Nəzərov Əbülqasım İlyas oğlu naməlum şəxs və ya şəxslər tərəfindən bıçaqlanıb.
Yaralı dərhal xəstəxanaya çatdırılıb. Ona döş qəfəsinin sol yarısının kəsilmiş-deşilmiş yarası diaqnozu qoyulub. Yaralı təcili olaraq əməliyyat edilib.
Vəziyyəti orta ağır qiymətləndirilir.
Hər iki faktla bağlı araşdırma aparılır.