Balakəndə ölümlə nəticələnən yol nəqliyyat hadisəsi baş verib.
Hadisə bu gün saat 15 radələrində Balakən rayonunun İtitala kəndində qeydə alınıb.

Belə ki, 1993-cü il təvəllüdlü sürücü Surac Ramazanov “VAZ-2106” markalı avtomobillə hərəkətdə olarkən idarəetməni itirib.
Bu səbəbdən nəqliyyat vasitəsi əvvəlcə həmin yolda hərəkətdə olan Allahverdi Osmanovun idarə etdiyi “VAZ-21011”lə toqquşub, daha sonra isə divara çırpılıb.

DİN-in Mətbuat Xidmətinin Şəki regional qrupundan bildirilib ki, S.Ramazanov aldığı xəsarətlərdən hadisə yerində ölüb. Faktla bağlı rayon polis şöbəsində cinayət işi başlanıb.