İsrailin Qəzza zolağına yenidən endirdiyi zərbələr nəticəsində 15 fələstinli həlak olub.
Bu barədə “Əl Ərəbiyyə” məlumat yayıb.
Bildirilib ki, onlardan 9-u anklavın mərkəzi hissəsində yerləşən “Maqazi” qaçqın düşərgəsinin bombalanması nəticəsində həlak olub.
Qeyd olunur ki, həmçinin Qəzza zolağının şimalında, mərkəzində və cənubunda yerləşən ərazilər də bombalanıb.
Xatırladaq ki, dekabrın 1-i səhər saatlarında İsrail Müdafiə Qüvvələri Fələstinin Həmas hərəkatını atəşkəsi pozmaqda ittiham edib və Qəzza zolağında döyüşləri bərpa etdiyini açıqlayıb.