Son dövrlərdə bəzi dairələr tərəfindən Suraxanı Rayon İcra Hakimiyyətinin başçısı Adil Əliyev haqqında müxtəlif əsassız iddialar və qərəzli fikirlər səsləndirilməkdədir. Lakin hər bir məsələni emosiyalarla deyil, faktlar və real nəticələrlə qiymətləndirmək lazımdır.
Adil Əliyev uzun illər dövlət idarəçiliyi sahəsində fəaliyyət göstərmiş, ölkənin ictimai-siyasi həyatında özünəməxsus yeri olan rəhbərlərdən biri kimi tanınmışdır. Onun rəhbərliyi dövründə Suraxanı rayonunda abadlıq-quruculuq işləri geniş vüsət almış, sosial infrastrukturun yenilənməsi, yolların təmiri, park və istirahət məkanlarının yaradılması istiqamətində mühüm layihələr həyata keçirilmişdir.
Məlumdur ki, uğurlu fəaliyyət göstərən şəxslər bəzən qərəzli hücumlarla da üzləşirlər. Ancaq hər hansı şəxs haqqında səsləndirilən ittihamların hüquqi və faktiki sübutlarla təsdiqlənməsi vacibdir. Sübutsuz ittihamlar, şər və böhtan xarakterli fikirlər nə cəmiyyətə, nə də dövlətçilik maraqlarına xidmət edir. Azərbaycan qanunvericiliyi də şəxsin şərəf və ləyaqətinin qorunmasını təmin edir.
Adil Əliyevin fəaliyyəti ilə bağlı ən obyektiv qiymət onun rəhbərlik etdiyi rayonun inkişaf göstəricilərində, vətəndaş müraciətlərinə münasibətdə və həyata keçirilən sosial layihələrdə öz əksini tapır. Minlərlə sakinin gündəlik həyat şəraitinin yaxşılaşdırılmasına yönəlmiş tədbirlər onun fəaliyyətinin əsas istiqamətlərindən biri olmuşdur.
Bu gün cəmiyyət hər bir məsələni faktlar əsasında qiymətləndirməyə üstünlük verir. Əgər hər hansı irad və ya tənqid varsa, o, hüquqi çərçivədə və konkret sübutlarla ifadə edilməlidir. Şər və böhtan kampaniyaları isə nə həqiqəti dəyişə, nə də görülən işlərin dəyərini azalda bilər.
Həqiqət və Ədalət Hər Zaman Qalib Gəlir
Tarix göstərir ki, vicdanla çalışan, dövlətə və xalqa xidmət edən insanlar müxtəlif dövrlərdə əsassız ittihamlarla üzləşsələr də, nəticədə həqiqət öz sözünü deyir. Adil Əliyevin fəaliyyəti haqqında ən düzgün qiyməti də zaman, görülən işlər və vətəndaşların rəyi verir. Şəxsi maraqlardan doğan şər və böhtanlar isə keçici xarakter daşıyır, lakin xalqa xidmət naminə görülən işlər daim yaşayır.
Vidadi Gözəlov
Qanunpress.az xəbər portalının rəhbəri