Rusiyanın Novosibirsk vilayətinin Berdsk şəhərində naməlum şəxs hərbi komissarlığın binasını yandırıb.
Rusiya mətbuatı xəbər verir ki, yerli polis bölməsi məlumatı təsdiqləyib.
Hadisə zamanı hərbi komissarlığın binasında gözətçi olub. Yanğın nəticəsində xəsarət alan olmasa da, binanın çıxış qapısı yararsız vəziyyətə düşüb.
Yanğını törətməkdə şübhəli bilinən şəxs saxlanılıb. Faktla bağlı cinayət işi açılıb.