Nizami Rayon İcra Hakimiyyətinin başçısı Arif Qasımov “Diqlas” ticarət mərkəzində baş verən yanğından zərərçəkən satıcılarla görüşüb.
Qanunpress.com "Qafqazinfo"-ya istinadən xəbər verir ki, icra başçısı onların şikayətlərini dinləyib və bu gün saat 4-də sahibkarla görüşəcəyini qeyd edib.
İcra başçısı qeyd edib ki, kimin bankda krediti varsa bank rəhbərlərindən kreditin ödənilməsi ilə bağlı xahiş edərik: “ İndi istintaqa öz izahatınızı verin. Kimin kimə alıb verəcəyi varsa, buna ifadəsində yazsın ki məsələlər tez yekunlaşsın. Kimə işləmək üçün yer lazımdırsa gəlin, müraciət edin.
Mağaza satıcılarından biri iki dəfə yerinin yandığını, hər dəfə də onlara kompensasiya veriləcəyini qeyd etsə də, buna əməl edən olmadığını diqqətə çatdırıb : “Dedilər ki, 7 ay yer pulu verməyəcəksiniz, sadəcə iki ay gözlədilər, 3-cü ay isə tutdular. Sahibkarı bura dəvət edin, yerindəcə camaata dəyən ziyanı ödəsin.