https://qanunpress.az/ iqtisadiyyat - Qanunpress.az true https://qanunpress.az/iqtisadiyyat/28247-bu-gndn-lky-gtiriln-mallar-manatla-byan-edilck.html qanun iqtisadiyyat Thu, 03 Sep 2026 14:49:32 +0000



Bu gündən Azərbaycana gətirilən malların gömrük dəyəri Azərbaycan Respublikasının milli valyutası ilə bəyan ediləcək.

“Qafqazinfo” xəbər verir ki, bununla bağlı Gömrük Məcəlləsində dəyişiklik edilib.
Qanun Prezident İlham Əliyev tərəfindən avqustun 4-də təsdiqlənib və qərara əsasən dərc edildiyi gündən 30 gün sonra - sentyabrın 3-dən qüvvəyə minib.

Gömrük Məcəlləsində dəyişiklik edilməsi haqqında Qanunun 220.3. bəndində bildirilir ki, malların gömrük dəyəri Azərbaycan Respublikasının milli valyutası ilə bəyan edilir. Malların gömrük dəyəri bəyanetməni həyata keçirən şəxs tərəfindən Gömrük Məcəlləsi və "Gömrük tarifi haqqında" Qanunla nəzərdə tutulmuş qaydada müəyyən olunur.

Malları gömrük məqsədləri üçün dəyərləndirən şəxs onların bəyan edilməsi ilə bağlı sənədləri və məlumatları 3 il ərzində saxlamalı, gömrük orqanları tərəfindən tələb olunduqda, müəyyən edilmiş gömrük dəyərinin dəqiqliyini yoxlamaq üçün bəyanetmə ilə bağlı sənədləri və məlumatları onlara təqdim etməlidir.]]> true https://qanunpress.az/iqtisadiyyat/28239-bu-razilrd-qaz-ksilck.html qanun iqtisadiyyat Tue, 01 Sep 2026 16:16:34 +0000




Bəzi ərazilərdə qaz olmayacaq.
Bu barədə “Azəriqaz” İB məlumat yayıb.

Bildirilib ki, “Qaz İxrac” İdarəsinə məxsus qaz xəttinin birləşmə nöqtəsinin köçürülməsi ilə əlaqədar sabah saat 09:00-dan işlər yekunlaşanadək Xəzər rayonunun Mərdəkan qəsəbəsinin bir hissəsinin və Stansiya Qala yaşayış ərazisinin qaz təchizatında qısamüddətli fasilə yaranacaq.]]> true https://qanunpress.az/iqtisadiyyat/28211-bu-kd-nqliyyatn-hrkti-mhdudladrlacaq.html qanun iqtisadiyyat Mon, 24 Aug 2026 14:48:56 +0000



Aparılacaq təmir işləri ilə əlaqədar Xətai rayonunun Rövşən Əliyev küçəsinin bir hissəsində nəqliyyat vasitələrinin hərəkəti müvəqqəti olaraq məhdudlaşdırılacaq.
Azərbaycan Avtomobil Yolları Dövlət Agentliyi (AAYDA) məlumat yayıb.

Məhdudiyyət aşağıdakı vaxtlarda tətbiq ediləcək:

- 24 avqust saat 22:00-dan 25 avqust saat 08:00-dək;
- 25 avqust saat 22:00-dan 26 avqust saat 08:00-dək.

Sürücülərdən qeyd olunan müddətdə alternativ hərəkət istiqamətlərindən istifadə etmələri və aparılan təmir işlərinə anlayışla yanaşmaları xahiş olunur.]]> true https://qanunpress.az/iqtisadiyyat/28210-baknn-bzi-razilrind-1-gn-su-olmayacaq.html qanun iqtisadiyyat Mon, 24 Aug 2026 14:44:54 +0000



Sabah saat 23.00-dan 26-sı gecə saatlarınadək Xətai rayonun bəzi ərazilərinə içməli suyun verilməsində müvəqqəti fasilə yaranacaq.

“Qafqazinfo” xəbər verir ki, bu barədə İri Şəhərlərin Birləşmiş Su Təchizatı Xidməti məlumat yayıb.

Bildirilib ki, diametri 200 mm olan içməli su xəttinin diametri 600 mm olan magistral su borusuna qoşulması işləri aparılacaq.]]> true https://qanunpress.az/iqtisadiyyat/28176-xaricdn-gtiriln-bitki-yalarnda-thlkli-madd-tapld-xaricden-getirilen-bitki-yaglarinda-tehlukeli-madde-tapildi.html qanun iqtisadiyyat Thu, 13 Aug 2026 14:40:55 +0000 Bir sıra xarici ölkə istehsalçılarına məxsus bitki yağı məhsullarında uyğunsuzluqlar aşkar edilib.

“Qafqazinfo” xəbər verir ki, bu barədə Qida Təhlükəsizliyi Agentliyi (AQTA) məlumat yayıb.

“Laborator müayinələr nəticəsində təqdim olunan yağ nümunələrində insan sağlamlığı üçün təhlükə yarada bilən emal çirkləndiricisi– 3-MCPD(3-monoxlorpropan1,2-diol ) aşkarlanıb.

Aşkarlanmış uyğunsuzluqlarla bağlı qanunvericiliyə uyğun müvafiq tədbirlər görülüb. O cümlədən, bir sıra ölkələrin müəyyən istehsalçılarına məxsus bitki yağı məhsullarının ölkə ərazisinə idxalına məhdudiyyətlər tətbiq edilib.

AQTA bitki və palma yağlarının idxalı ilə məşğul olan sahibkarlıq subyektlərini məhsulların təhlükəsizlik göstəricilərinə və idxal zamanı müəyyən edilmiş qida təhlükəsizliyi tələblərinə ciddi əməl etməyə çağırır. Nəzarəti tədbirləri davam etdirəcək”, - deyə qurumdan qeyd edilib.]]> true https://qanunpress.az/iqtisadiyyat/28141-baknn-bu-qsbsind-su-olmayacaq.html qanun iqtisadiyyat Mon, 03 Aug 2026 15:52:03 +0000



Bu gün Bakının Hövsan qəsəbəsinin bəzi ərazilərində su olmayacaq.
Bu barədə İri Şəhərlərin Birləşmiş Su Təchizatı Xidməti məlumat yayıb.

Bildirilib ki, magistral su xəttinin qəzalı hissəsinin təmir-bərpa işləri ilə bağlı Hövsan qəsəbəsinin bəzi ərazilərinə gün ərzində içməli suyun verilməsində müvəqqəti fasilə yaranacaq.

]]> true https://qanunpress.az/iqtisadiyyat/28131-azrbaycann-qlobal-enerji-bazarndak-hmiyyti-son-illr-daha-da-artb.html qanun iqtisadiyyat Fri, 31 Jul 2026 14:18:39 +0000





Azərbaycanın Avropa İttifaqına təbii qaz ixracı son illərdə əhəmiyyətli dərəcədə artaraq 2025-ci ildə təxminən 12,8 milyard kubmetrə çatıb.

“Qafqazinfo” APA-ya istinadən xəbər verir ki, Azərbaycanın Avropanın enerji təhlükəsizliyində artan rolu SOCAR-ın vitse-prezidentinin müavini Vitali Bəylərbəyovun “Euronews” telekanalının “Business Horizons” proqramına müsahibəsinin əsas mövzusu olub.

Proqramda qeyd olunub ki, Azərbaycanın enerji dəhlizləri Avropanın enerji mənbələrinin şaxələndirilməsində mühüm rol oynayır və ölkənin qlobal enerji bazarındakı əhəmiyyəti son illər daha da artıb.

SOCAR-ın vitse-prezidentinin müavini bildirib ki, Azərbaycanın ixrac marşrutları həm ölkə, həm də Avropa üçün strateji əhəmiyyət daşıyır: “Deyərdim ki, onlar həm Avropanın enerji mənbələrinin şaxələndirilməsi, həm də bizim üçün son dərəcə vacibdir”.

Vitali Bəylərbəyovun sözlərinə görə, geosiyasi proseslər fonunda SOCAR-ın beynəlxalq əməkdaşlıq coğrafiyası da genişlənib: “Bizim üçün əsas dəyişiklik ondan ibarətdir ki, indi getdikcə daha çox ölkə ilə işləyirik. Qaz tədarük etdiyimiz, eləcə də xidmət və texnologiyalar aldığımız ölkələrdə tərəfdaşlarımızın sayı durmadan artır”.

O vurğulayıb ki, SOCAR Azərbaycanın bütün ixrac boru kəmərlərini idarə edir: “SOCAR ölkə adından Azərbaycandan çıxan bütün neft və qaz kəmərlərini idarə edir. Buraya Bakı-Tbilisi-Ceyhan neft kəməri və Cənubi Qafqaz qaz kəməri də daxildir. Bu kəmərlər həm qonşularımız, həm də bizi dünyanın qalan hissəsi ilə birləşdirən əsas arteriyalar kimi böyük əhəmiyyət daşıyır”.

Azərbaycanın boru kəmərlərinin Xəzər qazını Avropaya birləşdirən vacib “arteriya” rolunu oynadığını qeyd edən SOCAR rəsmisi enerji təhlükəsizliyinin əsas təminatının etibarlı tərəfdaşlıq münasibətləri olduğunu da bildirib: “Təmin edə biləcəyiniz ən yaxşı təhlükəsizlik şəffaf olmaq və dəyişən dünyada birlikdə yaşamaq və işləmək bacarığıdır. İlk növbədə, qonşularınızla, eyni zamanda uzunmüddətli tərəfdaşlıq münasibətləriniz olan bütün ölkələrlə yaxşı münasibətləri qoruyub saxlamaq lazımdır”.

“Business Horizons” proqramında qeyd olunub ki, təxminən 3 500 kilometr uzunluğunda Cənub Qaz Dəhlizi Xəzər dənizini Avropa bazarları ilə birləşdirən ən mühüm enerji infrastruktur layihələrindən biridir. Azərbaycan qazı üç boru kəmərindən ibarət sistem vasitəsilə Avropaya nəql olunur və Avropa şəbəkəsinə qoşulduqdan sonra Yunanıstan, Bolqarıstan, Rumıniya, Macarıstan, Almaniya və Avstriya daxil olmaqla bir sıra ölkələrə çatdırılır. Qeyd olunub ki, İtaliya 2025-ci ildə təxminən 9,5 milyard kubmetr qaz idxal etməklə Azərbaycanın Avropadakı ən böyük alıcısı olaraq qalıb.

SOCAR-ın Əməliyyatlar üzrə direktoru Elxan Sultanov isə proqrama müsahibəsində bildirib ki, şirkətin əsas məqsədi enerji resurslarını təhlükəsiz və fasiləsiz şəkildə istehlakçılara çatdırmaqdır.

“Bizim prioritetimiz çox sadədir - xam nefti müştərilərimizə təhlükəsiz, etibarlı, fasiləsiz və səmərəli şəkildə çatdırmaq”, - o vurğulayıb.
Elxan Sultanovun sözlərinə görə, minlərlə kilometr uzunluğunda boru kəmərlərinin etibarlı işləməsi fasiləsiz nəzarət tələb edir: “Boru kəməri sistemi uzun məsafələr boyunca fasiləsiz fəaliyyət göstərir. Buna görə də sistemin bütövlüyünü və etibarlılığını yüksək səviyyədə saxlamaq komandamızdan daimi monitorinq tələb edir”.

Elxan Sultanov vurğulayıb ki, enerji sektorunda dəqiqlik həlledici amildir: “Düşünürəm ki, bizim sahədə dəqiqlik həlledici əhəmiyyət daşıyır. Çünki hətta kiçik bir kənarlaşma belə təhlükəsizlik, səmərəlilik və əməliyyat fəaliyyətinə ciddi təsir göstərə bilər”.

O əlavə edib ki, boru kəmərləri, sadəcə, infrastruktur deyil, böyük peşəkarlıq və müasir texnologiyalar tələb edən mürəkkəb sistemlərdir.

Proqramda sonda vurğulanıb ki, enerji təhlükəsizliyi təkcə resurslarla deyil, həm də dayanıqlı əməkdaşlıq, etimad və uzunmüddətli tərəfdaşlıq münasibətləri ilə təmin olunur.

]]> true https://qanunpress.az/iqtisadiyyat/28052-azergold-qsc-nin-faliyyt-balamasnn-10-illiyi-mnasibtil-fxri-v-hidlr-xiyabanlar-ziyart-olunub.html qanun iqtisadiyyat Mon, 06 Jul 2026 16:09:49 +0000



“AzerGold” QSC-nin fəaliyyətə başlamasının 10-cu ildönümü münasibətilə dövlət şirkəti və onun törəmə müəssisələri – “Daşkəsən Dəmir Filiz” MMC və “AzerBlast” MMC-nin rəhbər heyəti Fəxri xiyabanda Ümummilli Lider Heydər Əliyevin əziz xatirəsini dərin ehtiramla yad edib, abidəsi önünə gül dəstələri düzüblər.
Ziyarət çərçivəsində görkəmli oftalmoloq-alim, akademik Zərifə Əliyevanın da xatirəsi anılıb, məzarı üzərinə tər güllər qoyularaq onun elmi irsinə və insanlığa xidmət edən zəngin həyat yoluna hörmət ifadə olunub.
Daha sonra ziyarətçilər Şəhidlər xiyabanına gedərək Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının xatirəsini ehtiramla yad ediblər. Şəhidlərin məzarları önünə gül dəstələri qoyulub, onların əziz xatirəsi dərin minnətdarlıq və ehtiramla anılıb.
Qeyd edək ki, Prezident İlham Əliyevin 11 fevral 2015-ci il tarixli sərəncamına uyğun olaraq təsis edilən “AzerGold” 5 iyul 2016-cı il tarixində dövlət qeydiyyatına alınaraq, fəaliyyətə başlayıb. Artıq 10 ildir Azərbaycanın yeraltı sərvətlərinin səmərəli və dayanıqlı idarə olunması istiqamətində fəaliyyət göstərən Səhmdar Cəmiyyəti faydalı qazıntı yataqlarının kəşfi, tədqiqi, qiymətli metalların hasilatı, yerli və beynəlxalq bazarlarda satışı ilə milli iqtisadiyyata və sosial inkişafa davamlı töhfələr verir.






]]> true https://qanunpress.az/iqtisadiyyat/28049-prezident-neft-fondunun-tnilki-bdcsinin-icrasn-tsdiq-etdi.html qanun iqtisadiyyat Mon, 06 Jul 2026 15:53:28 +0000




Prezident İlham Əliyev Azərbaycan Dövlət Neft Fondunun (ARDNF) 2025-ci il büdcəsinin icrası haqqında sərəncam imzalayıb.

“Qafqazinfo” xəbər verir ki, ötən il ARDNF-in büdcə gəlirləri 17 milyard 160,4 milyon manat, büdcə xərcləri isə 14 milyard 627,2 milyon manat təşkil edib.

Sənədə əsasən, il ərzində Fond neft-qaz sazişlərinin həyata keçirilməsindən 10 milyard 266,3 milyon manat, o cümlədən, mənfəət neft-qazının satışından 9 milyard 497 milyon manat, bonus ödənişləri və tranzitdən 765,7 milyon manat, akrhesabı ödənişlərdən isə 3,6 milyon manat gəlir əldə edib. Quruma “Azəri-Çıraq-Günəşli” yatağından 8 milyard 292,9 milyon manat, “Şahdəniz” yatağından isə 958,8 milyon manat vəsait daxil olub.

Fondun vəsaitinin idarə olunmasından əldə edilən gəlir isə 6 milyard 894,1 milyon manat olub (gəlirlilik 6,2 % təşkil edib).

Hesabat dövründə ARDNF dövlət büdcəsinə 14 milyard 481 milyon manat transfert edib, “2019-2023-cü illər üçün ali təhsil sisteminin beynəlxalq rəqabətliliyinin artırılması üzrə Dövlət Proqramı”nın maliyyələşməsinə 18,6 milyon manat, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” nın maliyyələşməsinə 86,9 milyon manat yönəldib, idarəetməyə isə 40,7 milyon manat xərcləyib.

Fondun ötən il valyuta məzənnələrinin və qızıl qiymətinin dəyişməsindən yaranan fərq hesabına büdcədənkənar gəlirləri isə 20 milyard 434 milyon manat təşkil edib. Beləliklə ARDNF-nin ümumi gəlirləri 37 milyard 594,4 milyon manat səviyyəsində olub.]]> true https://qanunpress.az/iqtisadiyyat/28047-sabah-bu-razid-qaz-olmayacaq.html qanun iqtisadiyyat Mon, 06 Jul 2026 15:36:00 +0000



Sabah Bakının bir hissəsində qaz olmayacaq.
“Azəriqaz” İB məlumat yayıb.

Bildirilir ki, payız-qış mövsümünə hazırlıq işləri ilə əlaqədar sabah saat 10:00-dan işlər yekunlaşanadək Sabunçu rayonunun Balaxanı qəsəbəsinin qaz təchizatında qısamüddətli fasilə yaranacaq.]]>