11 saylı Regional Meşə Təsərrüfatı Mərkəzində məmur hegemonluğu baş alıb gedir. 400 manatdan da aşağı əməkhaqqı alan meşə gözəçilərini bütün il boyu həftənin 7 günü 24 saat işləməyə məcbur edirlər.Hətta istirahət günlərində və məzuniyyətdə olduqları müddətdə meşələrdə baş verən qanunsuz ağac kəsilmələrinin də cərimələri meşə gözətçilərinə ödətdirilir. Etibarlı mənbələrin verdiyi məlumata görə hər bir gözətçidən 500 kq palıd toxumu və yaxud həmin toxumu almaq üçün 150 manat pul verməsi tələb olunur.Əmək haqları və konstitusiya hüquqları müdiriyyət tərəfindən istismar olunan meşə gözətçilərinin əmək haqları da müxtəlif fırıldaqlarla əllərindən alınır. Sual olunur: meşə gözətçisindən hansı qanunlara görə istirahət günlərində və gecə saatlarında əmək haqqına əlavə edilmədən işini icra etmək tələb olunur?!Əgər istirahət günlərində və gecə saatlarında meşəni mühafizə etməyə məcbur edilən meşə  gözətçisinin başına hər hansı bir qəza gələrsə buna görə kim məsuliyyət daşıyacaq?!

Qarşı tərəfi dinləyib dərc etməyə hazırıq