"Meşə quldurları yeni fırıldağa əl atıb. Belə ki, qanunsuz kəsilmiş ağaclara saxta damğa vurub, qeydə almırlar (akt yazılmır).
"179" nömrəli xidməti damğa "Pivə satan" ləqəbilə tanınan, Cəlilabad və Göytəpə meşəbəyliklərinin meşəbəyisi Elman Əliyevə məxsusdur.
Qanunpress.com saytına Cəlilabaddan verilən məlumata görə,
Elman Əliyevin adı "meşə mafiyası"nın arasında tez-tez çəkilir.
O, sözügedən xidməti damğasıyla bir ay öncə Göytəpə meşəbəyliyinin 12 saylı dolayında təhvil- qəbul zamanı qanunsuz olaraq ağacları damğalayıb. Və bundan əlavə 14 saylı meşə dolayında da həmçinin. 2 dolayda 200-dən çox kəsilmiş ağaclara vurduğu damğanın heç birinin aktı yoxdur.
Şikayətçilər Baş Prokurorluğdan saxta damğaların yoxlanıb tədbir görülməsini xahiş edirlər.
Mənbə onu da qeyd edir ki, bir neçə il öncə Əmək Məcəlləsinin 70-ci maddəsini "ç" bəndi ilə meşə qırıntısına görə işdən çıxan Salayev Xaləddin Faiq oğlu "meşə quldurları"nın dəstəyi ilə bir ay öncə 12 saylı meşə dolayına yenidən gözətçi təyin edilib.
Qarşı tərəfin mövqeyin dinləyib dərc etməyə hazırıq.