https://qanunpress.az/ az https://qanunpress.az/dunya/28245-ran-b-v-kveytdki-ab-bazalarna-zrb-endirdi.html https://qanunpress.az/dunya/28245-ran-b-v-kveytdki-ab-bazalarna-zrb-endirdi.html 28245 Thu, 03 Sep 2026 14:42:33 +0000 native-yes



İran Birləşmiş Ərəb Əmirlikləri (BƏƏ) və Küveytdəki ABŞ bazalarına raket və pilotsuz uçuş aparatları (PUA) ilə zərbələr endirib.

“Qafqazinfo” xəbər verir ki, bu barədə İslam Respublikasının hərbi dairələrinə istinadən IRNA məlumat yayıb.

“Bu səhər İran İslam Respublikasının Silahlı Qüvvələri Küveytdəki Əhməd əl-Cabir bazasında yerləşən Amerika qüvvələrinə məxsus peyk rabitəsi sistemlərinə, avadanlıq anbarlarına və qırıcı təyyarə aerodromlarına raket və PUA-larla zərbələr endirib”.

Bildirilir ki, həmin hücumlar nəticəsində rabitə sistemlərinə və aerodromlara ziyan dəyib.]]> https://qanunpress.az/dunya/28238-norvein-yeni-kral-and-idi.html https://qanunpress.az/dunya/28238-norvein-yeni-kral-and-idi.html 28238 Tue, 01 Sep 2026 16:14:09 +0000 native-yes



Mərhum Norveç Kralı V Haraldın oğlu VIII Hokon sentyabrın 1-də Konstitusiyaya uyğun olaraq “Storting” (parlament) qarşısında and içib.
“Qafqazinfo” xəbər verir ki, bu barədə “Deutsche Welle” məlumat yayıb.
Yeni monarx parlamentdəki çıxışında dövləti qanunlara uyğun idarə edəcəyinə söz verib:
“Mən Norveç Krallığını onun Konstitusiyasına və qanunlarına uyğun olaraq idarə edəcəyimə söz verirəm və and içirəm, buna görə də mənə kömək et, qadir və hər şeyi bilən Tanrı!”
Məlumat üçün bildirək ki, Kralın andiçmə mərasimində anası Kraliça Sonya da iştirak edib. Lakin VIII Hokonun həyat yoldaşı, kraliça Mette-Marit iyun ayında keçirdiyi ağciyər köçürülməsi əməliyyatından sonra yaranan sağlamlıq problemlərinə görə mərasimə qatıla bilməyib.
Qeyd edək ki, hazırda Norveçdə iki kraliça var: onlar Kral VIII Hokonun anası, “Əlahəzrət Kraliça” titullu Sonya Haraldsen və onun həyat yoldaşı, “Əlahəzrət” titullu Mette-Maritdir.
Xatırladaq ki, Avropanın ən yaşlı monarxı olan Norveç Kralı V Harald avqustun 28-də 89 yaşında vəfat edib.
Qeyd edək ki, Norveç monarxiyasının kökləri IX əsrə – Kral Gözəl Saçlı Haralda qədər gedib çıxır. Norveç 1905-ci ildə müstəqilliyini bərpa edərkən keçirilən ümumxalq referendumu zamanı seçicilərin ¾-ü monarxiyanın bərpasına səs verib. Bu gün isə bu rol böyük ölçüdə simvolik xarakter daşıyır, çünki əsl hakimiyyət seçilmiş parlamentə məxsusdur.]]> https://qanunpress.az/dunya/28235-bu-lk-tarixind-n-isti-yay-qeyd-alnd.html https://qanunpress.az/dunya/28235-bu-lk-tarixind-n-isti-yay-qeyd-alnd.html 28235 Tue, 01 Sep 2026 16:04:43 +0000 native-yes




Belçikada müşahidələr tarixində ən isti yay qeydə alınıb.

“Qafqazinfo” xəbər verir ki, bu haqda Belçikanın Kral Meteorologiya İnstitutu (RMI) açıqlama yayıb.

RMI-nin açıqlamasında qeyd olunub ki, iyunun 16-dək hava temperaturu mövsümi normalardan aşağı olub, lakin həmin tarixdən sonra kəskin şəkildə yüksəlib.

Açıqlamada vurğulanıb ki, 1833-cü ildə müşahidələrin aparılmasına başlanılandan bəri ilk dəfə olaraq orta yay temperaturu Selsi şkalası ilə 20 dərəcəni keçib (bu, ən isti yay kimi qeydə alınıb)

Həmçinin xatırladılıb ki, əvvəlki rekord 2018-ci ildə orta hesabla 19,9 dərəcə ilə müəyyən edilmişdi.]]> https://qanunpress.az/dunya/28230-42-yal-dnya-empionu-facivi-kild-ld.html https://qanunpress.az/dunya/28230-42-yal-dnya-empionu-facivi-kild-ld.html 28230 Mon, 31 Aug 2026 15:04:17 +0000 native-yes

Kayak üzrə dünya və Avropa çempionu Gergely Boros 42 yaşında vəfat edib.

“Qafqazinfo” xəbər verir ki, bu haqda “Blikk" nəşrinin məlumat yayıb.

O, Paks şəhərindəki padel meydançasının tikinti sahəsində baş vermiş bədbəxt hadisə nəticəsində həyatını itirib. Məlumatlara görə, onun üzərinə ağır konstruksiya elementi düşüb. Polis hadisə ilə bağlı araşdırma aparır.

Qeyd edək ki, Boros 2007-ci ildə dünya çempionu olub. Bundan üç il əvvəl isə o, Avropa çempionu titulunu qazanmışdı. 2017-ci ildə peşəkar idman karyerasını başa vurduqdan sonra o, milli kanoe federasiyasında, o cümlədən rəhbər vəzifələrdə çalışıb.]]> https://qanunpress.az/dunya/28194-rusiya-jitomir-zrb-endirdi-2-l-20-dn-ox-yaral.html https://qanunpress.az/dunya/28194-rusiya-jitomir-zrb-endirdi-2-l-20-dn-ox-yaral.html 28194 Wed, 19 Aug 2026 16:21:39 +0000 native-yes


Rusiya ordusu Jitomir şəhərinə pilotsuz uçuş aparatları ilə zərbələr endirib.

“Qafqazinfo” “Ukrainskaya Pravda”ya istinadən xəbər verir ki, hücum zamanı Milli Polisin Jitomir vilayəti üzrə Baş İdarəsinin binası vurulub.

Hadisə nəticəsində 2 hüquq-mühafizə əməkdaşı həlak olub. Jitomir Vilayət Hərbi Administrasiyasının rəhbəri Vitali Buneçkonun sözlərinə görə, Rusiya ordusu şəhərə reaktiv dronlarla hücum edib.

Milli Polisin rəhbər əvəzi Maksim Tsutskiridze isə zərbə nəticəsində ən azı 20 nəfərin yaralandığını bildirib:

“Bu zərbə iki polisin həyatına son qoydu. Ən azı 20 nəfər xəsarət alıb. İşğalçılar hücum zamanı “Banderol” tipli pilotsuz uçuş aparatlarından istifadə ediblər”.

Qeyd edək ki, zərbə nəticəsində polisin inzibati binasının dam örtüyü və dördüncü mərtəbəsində yanğın baş verib. Hadisə yerində Ukrayna Fövqəladə Hallar Dövlət Xidmətinin xilasediciləri, təcili tibbi yardım briqadaları və bütün aidiyyəti xüsusi xidmət orqanları çalışır.



]]> https://qanunpress.az/dunya/28150-rusiya-v-suriya-birbaa-uular-brpa-edir.html https://qanunpress.az/dunya/28150-rusiya-v-suriya-birbaa-uular-brpa-edir.html 28150 Tue, 04 Aug 2026 13:59:53 +0000 native-yes




Suriyanın “Syrian Airlines” aviaşirkəti Rusiyaya və əks istiqamətə birbaşa uçuşlara başlayır.

“Qafqazinfo” xəbər verir ki, bu barədə məlumatı şirkət yayıb.

Bildirilib ki, avqustun 16-dan şirkət təyyarəsi Moskvanın Şeremetyevo hava limanından Dəməşqə reys həyata keçirəcək.

Uçuş müddəti 4 saat 50 dəqiqə davam edəcək.

Qeyd edək ki, Suriya və Rusiya arasında birbaşa hava əlaqəsi 2024-cü il dekabrın 8-də Bəşər Əsəd rejiminin devrilməsindən sonra dayandırılmışdı. Həmin dövrə qədər isə iki ölkə arasında reysləri “Syrian Air” və “Cham Wings” aviaşirkətləri yerinə yetirirdi.]]> https://qanunpress.az/dunya/28126-fransada-havann-temperaturu-rekord-hdd-atd.html https://qanunpress.az/dunya/28126-fransada-havann-temperaturu-rekord-hdd-atd.html 28126 Wed, 29 Jul 2026 17:34:23 +0000 native-yes





Avropanı isti hava dalğası bürüyüb.

“Qafqazinfo” xəbər verir ki, bu haqda “Meteonovosti” xəbər agentliyinin aparıcı mütəxəssisi Tatyana Pozdnyakovanın teleqram kanalında məlumat verib.

Bildirilib ki, İspaniyada temperatur 41°C-yə çatıb.

Ən yüksək temperatur İspaniyanın Toledo şəhərində qeydə alınıb. Fransanın Bordo şəhərində hava temperaturu rekord həddə – 37,1°C-yə yüksəlib (bu, 1921-ci ildə qeydə alınmış 35,8°C-lik əvvəlki rekordu üstələyib). Bununla belə, həmin bölgədə yüksək temperaturlar tez-tez meşə yanğınları ilə müşayiət olunur. Yaxın günlərdə Fransada istilərin bir qədər azalacağı gözlənilir, lakin hələlik yağıntı proqnozlaşdırılmır.

]]> https://qanunpress.az/dunya/28123-rann-imal-raket-zrbsin-mruz-qalb.html https://qanunpress.az/dunya/28123-rann-imal-raket-zrbsin-mruz-qalb.html 28123 Wed, 29 Jul 2026 17:28:01 +0000 native-yes
İranın şimal-qərbində yerləşən Qərbi Azərbaycan əyaləti raket atəşinə məruz qalıb.

“Qafqazinfo” “Fars” agentliyinə istinadən xəbər verir ki, bu barədə yerli Fövqəladə Hallar İdarəsinin rəisi Hamed Səfəri məlumat verib.

“Raket yaşayış binası olmayan boş əraziyə düşüb”, – deyə o bildirib.
Hadisə nəticəsində xəsarət alanlar barədə hələlik məlumat daxil olmayıb.

Qeyd edək ki, bundan əvvəl ABŞ Prezidenti Donald Tramp İordaniyadakı amerikalı hərbçilərin atəşə tutulmasına cavab olaraq ABŞ Silahlı Qüvvələrinin İrana zərbələr endirmək niyyətində olduğunu bəyan etmişdi.

İyulun 29-na keçən gecə isə İslam İnqilabı Keşikçiləri Korpusunun (SEPAH) ABŞ-nin İordaniyadakı aviabazasına hücum etdiyi məlum olub.]]> https://qanunpress.az/dunya/28122-sved-20-futbolu-itkin-dd.html https://qanunpress.az/dunya/28122-sved-20-futbolu-itkin-dd.html 28122 Wed, 29 Jul 2026 17:26:03 +0000 native-yes

İsveçin Höteborq şəhərində keçirilən “Gothia Cup” futbol turnirində iştirak edən Efiopiyadan olan təxminən 20 nəfərlik nümayəndə heyəti yoxa çıxıb.

“Qafqazinfo” “Sweden Herald” nəşrinə istinadən xəbər verir ki, polis itkin düşənlərin 14-17 yaş arası yeniyetmə oğlanlar, eləcə də bir və ya bir neçə komanda rəhbəri olduğunu bildirib.

“Göteborgs-Posten” yazır ki, builki “Gothia Cup” turnirinin sonuncu günündə məktəb inzibatçısı orada məskunlaşan Efiopiya komandasının xəbər vermədən ərazini tərk etdiyini müəyyən edib.

Turnir təşkilatçıları dərhal hüquq-mühafizə orqanlarına müraciət ediblər və polis itkin düşmə haqqında axtarış elanı verib. Şəhər polisi hazırda həmin şəxslərin Efiopiyaya qayıtmadığını və hadisənin könüllü olaraq aradan çıxmaq (sığınacaq almaq məqsədilə) kimi göründüyünü bəyan edib.]]> https://qanunpress.az/dunya/28113-ran-kveyt-v-bhreyni-vurdu.html https://qanunpress.az/dunya/28113-ran-kveyt-v-bhreyni-vurdu.html 28113 Fri, 24 Jul 2026 14:16:34 +0000 native-yes





İran ABŞ ordusunun Küveyt və Bəhreyndəki infrastrukturuna zərbələr endirib.

“Qafqazinfo” xəbər verir ki, bu barədə İran İslam İnqilabı Keşikçiləri Korpusunun (SEPAH) Mətbuat xidmətinin bəyanatında deyilir.

İran tərəfinin iddiasına görə, cavab zərbələrinin 27-ci mərhələsi çərçivəsində ABŞ-nin Küveytdə yerləşən Əl-Udeyri bazasındakı üç sursat və avadanlıq anbarı məhv edilib. Bundan başqa, ABŞ hərbi hava qüvvələrinin Bəhreyndə yerləşən 5-ci Donanmasının müşahidə qülləsinə zərbə endirilib. Hücum nəticəsində qülləyə ciddi ziyan dəydiyi bildirilir.

SEPAH həmçinin mülki şəxsləri ABŞ hərbi personalının yerləşdiyi və ya məskunlaşdığı ərazilərdən azı 500 metr uzaq durmağa çağırıb.]]>