Çində koronavirusa yoluxanların sayı 80 min 813 nəfərə çatıb, onlardan 3 min 176-sı dünyasını dəyişib, 64 min 111-i sağalıb və xəstəxanalardan evə buraxılıb. Qanunpress.com xəbər verir ki, bu barədə ölkənin Səhiyyə Məsələləri üzrə Dövlət Komitəsi məlumat yayıb.
Son sutka ərzində Çində cəmi səkkiz yeni yoluxma faktı qeydə alınıb, yeddi nəfər dünyasını dəyişib.
Pandemiyanın ocağı sayılan Hubey əyalətində sutka ərzində beş yoluxma faktı qeydə alınıb (hamısı Uhan şəhərində), 1255 nəfər xəstəxanalardan buraxılıb (1103-ü Uhanda), 6 ölüm faktı qeydə alınıb (hamısı Uhanda).