Xorvatiya baş nazirinin müavini , Xarici və Avropa Əlaqələri üzrə naziri Mariya Peyçinoviç-Buriç Azərbaycana səfərə gəlib. Bu barədə Report məlumat yayıb.
Nazir səfər çərçivəsində aprelin 29-da Bakıda keçiriləcək Azərbaycan-Xorvatiya biznes forumunda iştirak edəcək.
Daha sonra xanım nazirin iştirakı ilə Xorvatiyanın Bakıdakı (Xaqani küçəsi 45A, Landmark II, 3-cü mərtəbə) səfirliyinin açılış mərasimi keçiriləcək.
Mərasimdən sonra isə sərgi və rəsmi qəbul təşkil olunacaq.