https://qanunpress.az/ cemiyyet - Qanunpress.az true https://qanunpress.az/cemiyyet/28234-a.html qanun cemiyyet Tue, 01 Sep 2026 15:50:52 +0000
Abşeron rayonu Azərbaycanın sosial-iqtisadi və demoqrafik baxımdan mühüm əhəmiyyət daşıyan bölgələrindən biridir. Paytaxta yaxınlığı, sürətlə artan əhalisi, şəhər və qəsəbələrinin inkişaf dinamikası bu rayonun idarə edilməsini xüsusi məsuliyyət tələb edən mühüm istiqamətlərdən birinə çevirir. Belə bir ərazidə idarəçilik yalnız inzibati qərarlarla məhdudlaşmır, eyni zamanda vətəndaşların gündəlik problemlərinə çevik münasibət, infrastruktur məsələlərinin həlli və sosial rifahın diqqətdə saxlanılmasını tələb edir.
Hazırda Abşeron Rayon İcra Hakimiyyətinə Abdin Ələsgər oğlu Fərzəliyev rəhbərlik edir. O, Azərbaycan Prezidentinin 19 yanvar 2022-ci il tarixli sərəncamı ilə Abşeron Rayon İcra Hakimiyyətinin başçısı təyin olunub.
Abdin Fərzəliyev uzunmüddətli dövlət idarəçiliyi təcrübəsinə malik rəhbərlərdən biridir. 1967-ci ildə Naxçıvan Muxtar Respublikasının Şərur rayonunda anadan olan Abdin Fərzəliyev əmək fəaliyyətinə fəhlə kimi başlayıb, daha sonra ali təhsil alaraq müxtəlif dövlət və idarəçilik strukturlarında çalışıb. O, Bakı Şəhər İcra Hakimiyyəti sistemində, Azərbaycan Respublikasının Gənclər və İdman Nazirliyində fəaliyyət göstərib, 2003-cü ildə Nizami Rayon İcra Hakimiyyətinin başçısı, 2005-ci ildən isə Nərimanov Rayon İcra Hakimiyyətinin başçısı vəzifəsində çalışıb. 2022-ci ildən etibarən isə fəaliyyətini Abşeron rayonunda davam etdirir.
İdarəçilik təcrübəsi Abşeron üçün mühüm amildir
Abşeron kimi sürətlə inkişaf edən rayonda idarəçilik təcrübəsi mühüm amillərdən biridir. Xırdalan şəhərinin və rayonun kənd-qəsəbələrinin sosial infrastrukturu, yol və kommunal təsərrüfatı, abadlıq məsələləri, əhalinin müraciətləri və digər problemlər icra hakimiyyəti qarşısında daim yeni vəzifələr yaradır.
Abdin Fərzəliyevin fəaliyyətinin əsas istiqamətlərindən biri də rayonun müxtəlif yaşayış məntəqələrində mövcud problemlərin müəyyənləşdirilməsi və aidiyyəti qurumların qarşısında konkret vəzifələrin qoyulmasıdır. Rəsmi məlumatlarda onun qəsəbə və kənd inzibati ərazi dairələri üzrə nümayəndələr və bələdiyyə sədrləri ilə görüşlər keçirdiyi, məişət tullantılarının idarə olunması, daxili yolların vəziyyəti və abadlıq məsələlərinə diqqət yetirdiyi qeyd olunur.
Bu yanaşma onu göstərir ki, rayon rəhbərliyinin qarşısında yalnız görülən işləri davam etdirmək deyil, həm də gündəlik həyatda insanların qarşılaşdığı problemlərə operativ münasibət göstərmək kimi mühüm vəzifələr dayanır.
Vətəndaş amili və ictimai iştirakçılıq
Müasir idarəçilikdə vətəndaşlarla ünsiyyət və ictimai iştirakçılıq xüsusi əhəmiyyət daşıyır. Abşeron Rayon İcra Hakimiyyəti yanında İctimai Şura ilə keçirilən görüşlər də bu istiqamətdə diqqət çəkən məqamlardandır.
Rəsmi məlumatlara əsasən, Abdin Fərzəliyev İctimai Şuranın üzvləri ilə görüşlər keçirərək vətəndaş cəmiyyəti institutları ilə əlaqələrin möhkəmləndirilməsi, ictimai iştirakçılığın artırılması və rayonla bağlı məsələlərin müzakirəsində ictimaiyyətin rolunun gücləndirilməsi məsələlərini diqqətə çatdırıb. 2025-ci ildə isə İctimai Şuraya yeni seçilən üzvlərlə görüş keçirilib və qarşıdakı fəaliyyət istiqamətləri müzakirə olunub.
Bu baxımdan idarəçilikdə əsas məqsəd dövlət qurumları ilə vətəndaşlar arasında qarşılıqlı əlaqələrin daha da gücləndirilməsi, problemlərin vaxtında müəyyənləşdirilməsi və onların həlli üçün koordinasiyalı fəaliyyətin təmin edilməsidir.
Çətin vəziyyətlərdə operativ münasibət
Rayon rəhbərliyinin fəaliyyətini qiymətləndirərkən fövqəladə və çətin situasiyalarda görülən tədbirlər də mühüm göstəricilərdən biridir.
2026-cı ilin aprelində Abşeron rayonunda yağıntılar nəticəsində yaranmış subasma hallarından sonra Abdin Fərzəliyev aidiyyəti qurumların rəhbərləri ilə birlikdə su basmış ərazilərə baxış keçirib, Xırdalan şəhərində və Məmmədli kəndində sakinlərlə görüşüb. Rəsmi məlumatda əlavə nasosların cəlb olunması, fəsadların daha qısa müddətdə aradan qaldırılması və gələcəkdə subasmaların qarşısının alınması üçün qabaqlayıcı tədbirlərin görülməsi ilə bağlı tapşırıqlar verildiyi bildirilir.
Belə vəziyyətlər bir daha göstərir ki, rayon rəhbərliyinin qarşısında yalnız uzunmüddətli inkişaf proqramları deyil, həm də gözlənilməz problemlərə operativ reaksiya vermək və müxtəlif dövlət qurumlarının fəaliyyətini əlaqələndirmək kimi məsuliyyətli vəzifələr dayanır.
Şəhid və qazi ailələrinə diqqət
Azərbaycan cəmiyyətində şəhid ailələrinə və qazilərə göstərilən diqqət xüsusi mənəvi dəyər daşıyır. Abşeron rayonunda da bu istiqamətdə işlərin diqqətdə saxlanılması rayon rəhbərliyinin qarşısında duran mühüm sosial məsələlərdəndir.
Abdin Fərzəliyev 2022-ci ildə keçirilən müşavirələrdən birində şəhid və qazi ailələrinə diqqət və qayğının artırılmasının vacibliyini xüsusi vurğulayıb və bu qayğının yalnız bayram günləri ilə məhdudlaşmamalı olduğunu bildirib.
Bu yanaşma sosial siyasətin əsas prinsiplərindən biri olan insan amilinin daim diqqətdə saxlanılmasının vacibliyini göstərir.
Abşeron qarşısında böyük hədəflər
Abşeron rayonunun gələcək inkişafı üçün qarşıda böyük vəzifələr dayanır. Sürətlə artan əhali, yeni yaşayış massivlərinin formalaşması, nəqliyyat və kommunal infrastrukturun yenilənməsi, ekoloji məsələlər, abadlıq və sosial obyektlərin inkişafı rayon rəhbərliyindən davamlı və sistemli fəaliyyət tələb edir.
Bu prosesdə Abdin Fərzəliyevin qarşısında duran əsas məqsədlərdən biri idarəçilik mexanizmlərinin daha da təkmilləşdirilməsi, mövcud problemlərin mərhələli şəkildə həlli və rayonun inkişaf potensialından səmərəli istifadə edilməsidir.
Abşeron yalnız paytaxt ətrafında yerləşən inzibati ərazi deyil. Bu rayon Azərbaycanın iqtisadi və sosial həyatında xüsusi çəkisi olan mühüm bölgələrdəndir. Ona görə də burada həyata keçirilən hər bir layihə, görülən hər bir abadlıq işi və qəbul edilən hər bir idarəçilik qərarı minlərlə insanın gündəlik həyatına təsir göstərir.
Abdin Fərzəliyevin Abşeron Rayon İcra Hakimiyyətinin başçısı kimi fəaliyyəti uzun illər ərzində formalaşmış dövlət idarəçiliyi təcrübəsinin rayonun müasir tələbləri ilə uzlaşdırılması baxımından diqqət çəkir. Onun müxtəlif dövlət və yerli idarəçilik strukturlarında topladığı təcrübə Abşeron kimi mürəkkəb və sürətlə inkişaf edən rayon üçün mühüm idarəçilik resursudur.
Bu gün əsas məsələ Abşeronun inkişafının davamlılığını təmin etmək, sakinlərin sosial və kommunal problemlərinə çevik yanaşmaq, şəhər və qəsəbələrin abadlığını yaxşılaşdırmaq, şəhid ailələri və qazilərə diqqəti daim yüksək səviyyədə saxlamaqdır.
Abdin Fərzəliyevin rəhbərliyi qarşısında dayanan vəzifələrin miqyası böyükdür. Bu vəzifələrin uğurla həyata keçirilməsi isə yalnız icra hakimiyyətinin deyil, bütün aidiyyəti dövlət qurumlarının, bələdiyyələrin və ictimaiyyətin birgə fəaliyyətini tələb edir.
Abşeronun inkişafı – müasir idarəçilik, məsuliyyətli yanaşma və insan amilinin daim diqqətdə saxlanılması ilə mümkündür.

Vidadi Gözəlov
Baş redaktor]]> true https://qanunpress.az/cemiyyet/28213-gn-77-qpiy-nardan-smartfon.html qanun cemiyyet Mon, 24 Aug 2026 15:08:52 +0000


Sərfəli mobil operator “Nar” müştərilərinə müasir smartfonları əlverişli şərtlərlə əldə etmək imkanı yaradır. Kampaniya çərçivəsində müştərilər gündə cəmi 0,77 AZN ödəməklə “Honor X7e” smartfonuna sahib ola bilərlər. Üstəlik, smartfonu əldə edən müştərilərə “Nar” tərəfindən hər ay 2 GB internet bonusu təqdim olunur.
Təklif çərçivəsində “Honor X7e” smartfonu 24 aylıq hissə-hissə ödəniş şərtləri ilə, ayda 23,38 AZN ödəniş etməklə əldə edilə bilər. Müştərilər üçün əlavə rahatlıq yaradılması məqsədilə aylıq ödənişlər “Nar” nömrəsinin balansından avtomatik hesablanır. Kampaniya çərçivəsində təqdim olunan aylıq 2 GB internet bonusu isə 24 ay müddətində aktiv olaraq qalır.
Smartfonu əldə etmək istəyən müştərilər “Nar”ın rəsmi diler mağazalarına müraciət edə bilərlər. Kampaniya ilə bağlı ətraflı məlumat üçün “Nar” Çağrı Mərkəzinə 777 qısa nömrəsi vasitəsilə zəng etmək və ya sosial media kanalları üzərindən “Nar”a müraciət etmək mümkündür.
“Nar”ın sərfəli kampaniya və təklifləri haqqında ətraflı məlumatı nar.az saytından əldə edə bilərsiniz.
“Nar” hal-hazırda 2,2 milyon abunəçiyə yüksək keyfiyyətli rabitə xidmətləri göstərməkdədir. “Nar” son 7 ildə Müştəri Loyallığı İndeksinə görə ölkədə lider mobil operatordur. Mobil operator müştəriyönümlülük strategiyasına sadiq qalaraq sərfəli qiymət qarşılığında üstün xidmət təqdim edir.

]]> true https://qanunpress.az/cemiyyet/28197-nar-inklziv-mulluun-tviqin-thf-verir-vdeo.html qanun cemiyyet Wed, 19 Aug 2026 16:34:21 +0000




Sərfəli mobil operator “Nar” gənclərin peşə bacarıqlarının inkişafına, əmək bazarına inteqrasiyasına və işlə təmin olunmasına dəstək verən “Təlim Məktəbi” layihəsini on ilə yaxındır ki, həyata keçirir. Bu illər ərzində layihə modelyer-dərzi, manikür ustası, aşpaz, şirniyyat ustası və motorçu kimi müxtəlif peşələri əhatə edib. Layihə çərçivəsində iştirakçılar müxtəlif peşələr üzrə bilik və praktiki bacarıqlar əldə edir, bu bacarıqları real iş mühitində tətbiq edərək əmək fəaliyyətinə başlamaq imkanı qazanırlar.
Layihənin iştirakçısı Fatimə Hüsiyeva modelyer-dərzi peşəsi üzrə təlim keçərək qazandığı bacarıqlar sayəsində Bakı Tekstil Fabrikində işə qəbul olunub və hazırda fəaliyyətini burada davam etdirir. “Nar” Fatimənin peşə təlimindən iş həyatına qədər keçdiyi yolu əks etdirən qısa videomüsahibə hazırlayıb. Müsahibədə Fatimə peşə seçimi, təlim müddətində qazandığı biliklər və hazırkı iş təcrübəsi haqqında danışır. Videomüsahibəni bu linkdən izləyə bilərsiniz.
Qeyd edək ki, “Nar”ın “Karlara Dəstək” İctimai Birliyi ilə birgə reallaşdırıdğı layihə eşitmə məhdudiyyətli şəxslər üçün peşə təlimləri təşkil etməklə, onların müxtəlif iş bacarıqlarına yiyələnməsinə töhfə verir. Layihə eyni zamanda sağlamlıq imkanları məhdud gənclərin əmək bazarına inteqrasiyasını dəstəkləyərək inklüziv iş mühitinin formalaşmasına diqqət çəkir.
Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksi göstəricisinə əsasən Azərbaycanda lider mobil operatordur. Bu uğurun arxasında “Nar”ın ardıcıl şəkildə həyata keçirdiyi müştəriyönümlü strategiya dayanır. Mobil operator istifadəçilərinə sərfəli qiymət qarşılığında dayanıqlı və yüksəkkeyfiyyətli rabitə xidmətləri, müxtəlif internet paketləri və müasir eSim texnologiyası təqdim edir.

]]> true https://qanunpress.az/cemiyyet/28185-80-ci-illrin-dbi-qaydr.html qanun cemiyyet Tue, 18 Aug 2026 15:08:26 +0000



1980-ci illərdə populyar olan geyimlər 2026-cı ilin payızında yenidən dəbə minəcək.

“Qafqazinfo” xəbər verir ki, bu haqda “Vogue” jurnalının hesabatında bildirilir.

Qeyd olunur ki, rəngli corablar və iri çiyin yastıqcıqlarına malik geyimlər — o cümlədən bir vaxtlar işgüzar qadınların qarderobunun ayrılmaz hissəsi olan pencəklər yenidən dəbə qayıdacaq.

Bundan əlavə, “color-blocking” (rənglərin kontrastlı uyğunlaşdırılması) və “preppy” (ABŞ-nin elit özəl məktəb və universitetlərinin tələbələrinin geyim tərzindən yaranan klassik, səliqəli və zərif bir modadır) üslublu geyim tərzləri yenidən populyarlıq qazanacaq.

]]> true https://qanunpress.az/cemiyyet/28177-nar-n-yksk-ntic-gstrn-abituriyentlri-mkafatlandracaq.html qanun cemiyyet Thu, 13 Aug 2026 16:26:48 +0000




Ölkənin sərfəli mobil operatoru “Nar” dövlət qəbul imtahanlarında ən yüksək nəticə göstərən abituriyentləri mükafatlandıracaq. Tələbələrin universitet həyatına uğurlu başlanğıc etmələrinə dəstək məqsədilə onlara müasir smartfonlar, xüsusi “Nar” mobil nömrələri və balans hədiyyə olunacaq. Bu təşəbbüs gənclərin əldə etdikləri uğurları qiymətləndirməklə yanaşı, onları ali təhsil dövründə yeni nailiyyətlər qazanmağa həvəsləndirməyi hədəfləyir.

Qeyd edək ki, “Nar” artıq 10 ildir, qəbul imtahanlarında yüksək nəticə göstərən abituriyentlərin uğurlarını dəyərləndirir. Bu müddət ərzində 100-ə yaxın gənc mobil operator tərəfindən mükafatlandırılıb. “Nar” təhsili cəmiyyətin inkişafının əsas dayaqlarından biri hesab edir və bu istiqamətdə həyata keçirdiyi sosial məsuliyyət təşəbbüsləri ilə gənclərin inkişafına davamlı dəstək verir.

Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksi göstəricisinə əsasən Azərbaycanda lider mobil operatordur. Bu uğurun arxasında “Nar”ın ardıcıl şəkildə həyata keçirdiyi müştəriyönümlü strategiya dayanır. Mobil operator istifadəçilərinə sərfəli qiymət qarşılığında dayanıqlı və yüksəkkeyfiyyətli rabitə xidmətləri, müxtəlif internet paketləri və müasir eSim texnologiyası təqdim edir.

]]> true https://qanunpress.az/cemiyyet/28152-hmin-xslr-il-tmin-edildi.html qanun cemiyyet Tue, 04 Aug 2026 14:11:52 +0000




Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən peşə hazırlığı kurslarına cəlb edilmiş işsiz və işaxtaran şəxslərdən 5019 nəfəri cari il ərzində həmin kursları uğurla bitirdikdən sonra işlə təmin edilib.

“Qafqazinfo” xəbər verir ki, peşə kurslarını uğurla bitirənlərin ən çox işlə təmin edildiyi sahələr informasiya texnologiyaları, kommersiya, kompüter elmləri, iaşə xidməti və s. olub.

Qeyd edək ki, hazırda Agentlik tərəfindən 175 prioritet istiqamət üzrə peşə hazırlığı kursları təşkil olunur.

Kurslarda əmək bazarının tələblərinə uyğun peşələr üzrə nəzəri biliklər tədris edilməklə yanaşı, müəssisələrdə təcrübə keçmək imkanı da yaradılır.]]> true https://qanunpress.az/cemiyyet/28135-narn-dstyi-il-inklzivliy-dair-real-hyat-hekaylri-tqdim-edilir.html qanun cemiyyet Fri, 31 Jul 2026 14:38:02 +0000







“Nar”ın dəstəyi ilə həyata keçirilən “Bütün Vücudlar Danışır” sosial layihəsi inklüzivliklə bağlı maarifləndirməni yeni formatda davam etdirir. “DanceAbility Azerbaijan” tərəfindən icra olunan layihə çərçivəsində icma üzvlərinin real həyat təcrübələri illüstrasiyalı hekayələr vasitəsilə ictimaiyyətə təqdim olunur.

Bu formatda paylaşılmış ilk hekayə eşitmə məhdudiyyəti olan və əmək fəaliyyətinə yeni başlayan Nərgizin həyat təcrübəsinə əsaslanır. Bu yanaşma qısa mətn və aydın illüstrasiyalar vasitəsilə inklüzivliyə dair müxtəlif mövzuları əlçatan şəkildə çatdıraraq bu sahədə məlumatlılığın artırılmasına töhfə verir.

Qeyd edək ki, layihənin məqsədi əlilliyi olan və olmayan şəxslərin birgə iştirakını təşviq etmək, inklüziv icmanı gücləndirmək və əlillik mövzusunda ictimai məlumatlılığı artırmaqdır. 2025-ci ilin dekabr ayından etibarən davam edən layihədə indiyədək 238 nəfər iştirak edib. Onlardan 51 nəfəri əlilliyi olan, 187 nəfəri isə əlilliyi olmayan şəxslərdir. Layihə çərçivəsində rəqs məşğələləri, icma görüşləri, master-klaslar və müxtəlif birgə fəaliyyətlər təşkil olunur. İştirak etmək istəyən şəxslər qeydiyyat linki vasitəsilə müraciət edə və ya “WhatsApp” üzərindən (+994772828880) əlaqə saxlaya bilərlər.

"Nar” sosial məsuliyyət strategiyası çərçivəsində inklüziv cəmiyyətin inkişafını, bərabər imkanların yaradılmasını və hər kəsin cəmiyyət həyatında fəal iştirakını dəstəkləyir. “Bütün Vücudlar Danışır” layihəsinə göstərilən dəstək də bu istiqamətdə həyata keçirilən təşəbbüslərin tərkib hissəsidir.

Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksi göstəricisinə əsasən Azərbaycanda lider mobil operatordur. Bu uğurun arxasında “Nar”ın ardıcıl şəkildə həyata keçirdiyi müştəriyönümlü strategiya dayanır. Mobil operator istifadəçilərinə sərfəli qiymət qarşılığında dayanıqlı və yüksəkkeyfiyyətli rabitə xidmətləri, müxtəlif internet paketləri və müasir eSim texnologiyası təqdim edir.






]]> true https://qanunpress.az/cemiyyet/28130-sosial-mzuniyyt-kimlr-amil-edilir.html qanun cemiyyet Fri, 31 Jul 2026 14:16:41 +0000
İşləyən qadınlara hamiləlik dövründə və doğuşdan sonrakı dövr üçün 126 təqvim günü (doğuşdan əvvəl 70 təqvim günü və doğuşdan sonra 56 təqvim günü) müddətində ödənişli məzuniyyət verilir.

“Qafqazinfo” xəbər verir ki, bununla bağlı Əmək və Əhalinin Sosial Müdafiəsi Nazirliyi (ƏƏSMN) məlumat yayıb.

Bildirilib ki, qeyd olunan məzuniyyətin doğuşdan əvvəlki hissəsinin müddəti doğuş gözlənilən gündən uşağın doğulduğu günədək ötən günlər qədər ödənişli olaraq uzadılır və bu halda məzuniyyətin doğuşdan sonrakı hissəsi qısaldılmır.

İki aylığadək yaşında uşağı övladlığa götürən qadınlar da doğuşdan sonra müəyyən edilmiş 56 günlük ödənişli sosial məzuniyyətdən istifadə etmək hüququna malikdirlər.

Uşağının doğulması ilə əlaqədar kişilərə isə tibb müəssisəsinin arayışı əsasında doğuşdan əvvəl və doğuşdan sonra olan dövrdə cəmi 14 təqvim günü müddətində ödənişli məzuniyyət verilir.

Uşağa bilavasitə qulluq edən valideynlərdən biri (o cümlədən uşağı övladlığa götürən qadınlar), yaxud ailənin başqa üzvü uşağın üç yaşı tamam olanadək ona qulluq etməkdən ötrü qanunvericiliklə müəyyən edilmiş məbləğdə müavinət verilən qismən ödənişli sosial məzuniyyət almaq hüququna malikdirlər.]]> true https://qanunpress.az/cemiyyet/28115-2-prokurorluq-mkda-pozuntulara-gr-idn-xarlb.html qanun cemiyyet Fri, 24 Jul 2026 14:20:50 +0000





Cari ilin 6 ayında prokurorluq orqanlarında aparılmış xidməti yoxlamalar nəticəsində müxtəlif növ intizam xətalarına yol verdikləri üçün 8 prokurorluq əməkdaşı intizam məsuliyyətinə cəlb olunub.

“Qafqazinfo” xəbər verir ki, bu barədə Baş Prokurorluğun 2026-cı ilin birinci yarısında görülmüş işlərin yekunlarına dair Kollegiya iclasında bildirilib.

Qeyd edilib ki, onlardan 6-na töhmət və ya şiddətli töhmət verilib, 2 nəfər isə tutduğu vəzifədən azad olunub.

Həmçinin diqqətə çatdırılıb ki, hesabat dövründə kadr işinin düzgün təşkili və onun müasir tələblərə uyğun şəkildə təkmilləşdirilməsi istiqamətində mühüm tədbirlər həyata keçirilmiş, nümunəvi fəaliyyətlərinə görə 110 prokurorluq işçisi həvəsləndirilmiş, eyni zamanda işə qəbul olunmaq istəyən şəxslər üçün ötən yarımildə 30 ştat vahidi üzrə 28-ci növbəti müsabiqə elan edilib.]]> true https://qanunpress.az/cemiyyet/28071-azrbaycanl-dnizilr-ar-edildi.html qanun cemiyyet Thu, 16 Jul 2026 14:15:04 +0000



Xarici sularda üzən azərbaycanlı dənizçilərə çağırış edilib.
Bu barədə Dövlət Dəniz və Liman Agentliyi məlumat yayıb.

“Dövlət Dəniz və Liman Agentliyi olaraq son aylar ərzində xarici sularda müxtəlif dövlətlərin bayraqları altında üzən gəmilərdə çalışan azərbaycanlı dənizçilərin həlak olması ilə bağlı aldığımız xəbərlər bizi dərindən sarsıdır. Həlak olan dənizçilərimizə Allahdan rəhmət, ailələrinə və yaxınlarına səbr arzulayırıq.

Xüsusilə Qara və Azov dənizləri hövzəsində, habelə Hörmüz boğazı və Fars körfəzində təhlükəsizlik risklərinin yüksək olduğunu nəzərə alaraq Azərbaycan dənizçilərini öz həyat və sağlamlıqlarını hər şeydən üstün tutmağa çağırırıq”, - çağırışda qeyd olunub.

Müharibə zonalarına və ya aktiv hərbi əməliyyatların aparıldığı ərazilərə səfərlərə razılıq verməzdən əvvəl mövcud riskləri diqqətlə qiymətləndirmək, rəsmi qurumların təhlükəsizliklə bağlı xəbərdarlıq və təlimatlarını nəzərə almaq, habelə mümkün olduğu hallarda belə səfərlərdən çəkinmək tövsiyə edilib: “Eyni zamanda, gəmiçilik şirkətlərini və aidiyyəti qurumları dənizçilərin həyat və təhlükəsizliyini prioritet hesab etməyə, onları müharibə riskinin yüksək olduğu bölgələrə göndərərkən bütün təhlükəsizlik tədbirlərini görməyə və mümkün olduqda belə marşrutlardan istifadə etməməyə səsləyirik.

Bütün dənizçilərimizi ehtiyatlı olmağa, özlərinin və ailələrinin təhlükəsizliyini düşünməyə və müharibə zonalarından uzaq durmağa çağırırıq”.]]>