https://qanunpress.az/ bolge - Qanunpress.az true https://qanunpress.az/bolge/28054-goranboyda-manlar-toqqudu-xsart-alanlar-var.html qanun bolge Fri, 10 Jul 2026 16:10:44 +0000

Goranboyda yol-nəqliyyat hadisəsi baş verib.
Hadisə rayonun Rəhimli kəndində qeydə alınıb.

Belə ki, “VAZ 2106” və “VAZ 2107” markalı abtomobillərin toqquşması nəticəsində 2002-ci il təvəllüdlü Şəhla Xəlilova, 2020-ci il təvəllüdlü Elfina Xəlilova və 2023-cü il təvəllüdlü Aylin Xəlilova xəsarət alıb.

Onlar xəstəxanaya çatdırılıb, tibbi yardım edildikdən sonra evə buraxılıblar.]]> true https://qanunpress.az/gundem/27985-azergold-qsc-v-rb-daksnd-mumdnya-traf-mhitin-mhafizsi-gnn-hsr-olunmu-aksiya-keirib.html qanun gundem / bolge Mon, 08 Jun 2026 14:10:58 +0000




“AzerGold” QSC və “Regional İnkişaf” İctimai Birliyinin (RİİB) birgə təşkilatçılığı ilə Daşkəsən rayonunda 5 İyun – Ümumdünya Ətraf Mühitin Mühafizəsi Gününə həsr olunmuş “Təbiətə qayğı missiyamızdır!” devizi altında təmizlik aksiyası keçirilib.
Ətraf mühitin mühafizəsi, tullantıların düzgün idarə olunmasının təşviqi məqsədilə təşkil olunan tədbirdə QSC-nin əməkdaşları və “Regional İnkişaf” İctimai Birliyinin könüllüləri iştirak ediblər.
Tədbir çərçivəsində aksiya iştirakçıları tərəfindən Qoşqarçayın sahilləri boyunca yerləşən, ümumilikdə təxminən 2 hektar ərazi plastik, polietilen, metal, şüşə, kağız, karton və digər məişət tullantılarından təmizlənib. Toplanmış tullantılar çeşidlənərək təkrar emala göndərilib.
Qeyd edək ki, “AzerGold” QSC ölkənin dağ-mədən sənayesində fəaliyyət göstərən dövlət şirkəti olaraq hasilat və istehsal proseslərini yerli və beynəlxalq ekoloji standartlara uyğun şəkildə həyata keçirməklə yanaşı, regionlarda mütəmadi olaraq ekoloji yönümlü layihələr reallaşdırır. Şirkətin təşəbbüsü ilə hər il kütləvi ağacəkmə, yaşıllaşdırma və təmizlik aksiyaları təşkil olunur.
Xatırladaq ki, Ümumdünya Ətraf Mühitin Mühafizəsi Günü 1972-ci ildə BMT Baş Assambleyası tərəfindən təsis edilib. BMT-nin Ətraf Mühit Proqramı (UNEP) tərəfindən 2026-cı il üçün “İqlim dəyişikliyi” mövzusu müəyyənləşdirilib. Azərbaycanın ev sahibliyi etdiyi builki qlobal kampaniya iqlim dəyişikliklərinin ətraf mühitə və insanların həyatına təsirləri barədə məlumatlılığın artırılmasını, iqlim fəaliyyətinin gücləndirilməsini və dayanıqlı inkişaf təşəbbüslərinin təşviqini hədəfləyir. Kampaniya çərçivəsində #NowForClimate çağırışı irəli sürülür.



]]> true https://qanunpress.az/bolge/27843-nar-kitab-gnn-salyanda-qeyd-edib.html qanun bolge Thu, 23 Apr 2026 14:35:21 +0000




Sərfəli mobil operator “Nar” 23 aprel Beynəlxalq Kitab Günü münasibətilə ölkənin bölgələrində maarifləndirici təşəbbüslərini davam etdirərək növbəti layihəsini uğurla həyata keçirib.
Salyan rayonunun Sarvan kəndində yerləşən İsfəndiyar Həsənov adına Sarvan kənd tam orta məktəbində yazıçılar Günel Əkbər və Amin Orucun iştirakı ilə şagirdlərlə görüş baş tutub. “Parlaq İmzalar” nəşriyyatının təşkilatçılığı ilə həyata keçirilən görüş zamanı məktəblilərlə mütaliənin əhəmiyyəti barədə fikir mübadiləsi aparılıb, onların sualları cavablandırılıb və müəlliflərlə birbaşa ünsiyyət qurmaq imkanı yaradılıb. Tədbirin əsas məqsədi şagirdlər arasında oxu vərdişlərini təşviq etmək və maarifləndirici mühiti gücləndirmək olub. Eyni zamanda, şagirdlər üçün intellektual və əyləncəli masaüstü oyunlar təşkil edilib ki, bu da onların həm məntiqi düşüncə bacarıqlarının inkişafına, həm də asudə vaxtlarının səmərəli keçirilməsinə töhfə verib.
Qeyd edək ki, Azərbaycanın bölgələrini daim fəaliyyətinin mərkəzində saxlayan “Nar” təhsil və maarifləndirmə istiqamətində həyata keçirdiyi sosial məsuliyyət (KSM) layihələri ilə gənclərin inkişafına davamlı töhfə verir. Şirkət bu cür təşəbbüslərlə cəmiyyətin müxtəlif təbəqələri üçün əlçatan təhsil imkanlarının genişləndirilməsini dəstəkləyir.
Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksi göstəricisinə əsasən Azərbaycanda lider mobil operatordur. Bu uğurun arxasında “Nar”ın ardıcıl şəkildə həyata keçirdiyi müştəriyönümlü strategiya dayanır. Mobil operator istifadəçilərinə sərfəli qiymət qarşılığında dayanıqlı və yüksəkkeyfiyyətli rabitə xidmətləri, müxtəlif internet paketləri və müasir eSim texnologiyası təqdim edir.



]]> true https://qanunpress.az/bolge/27746-gncnin-ba-plan-tsdiqlndi.html qanun bolge Tue, 10 Mar 2026 16:10:03 +0000


Gəncə şəhərinin 2040-cı ilədək inkişafına dair Baş planı təsdiqlənib.
Bununla bağlı Baş nazir Əli Əsədov Qərar imzalayıb.]]> true https://qanunpress.az/bolge/27529-qusarda-mikroavtobus-ad-xsart-alanlar-var.html qanun bolge Wed, 04 Feb 2026 14:54:00 +0000




Qusarda mikroavtobusun aşması ilə nəticələnən yol-nəqliyyat hadisəsi baş verib.
Hadisə Qusar şəhərinin giriş hissəsində olub.

Hadisə zamanı 2 nəfər müxtəlif dərəcəli bədən xəsarətləri alaraq xəstəxanaya yerləşdirilib.

İlkin məlumata görə, hadisəyə səbəb yolun buzlu olması olub.

Hadisə ilə bağlı araşdırma aparılır.]]> true https://qanunpress.az/bolge/27496-msddin-xanbabayevin-kadr-olan-mavin-idn-xarld.html qanun bolge Wed, 28 Jan 2026 14:43:04 +0000





Xaçmaz Rayon İcra Hakimiyyəti (RİH) başçısının müavinlərindən biri vəzifəsindən azad olunub.

“Qafqazinfo” İqtisadiyyat.az-a istinadən xəbər verir ki, bununla bağlı icra başçısı Elnur Rzayev müvafiq əmr imzalayıb.

Əmrə əsasən, Bəxtiyar Osmanov icra başçısının müavini vəzifəsindən azad edilib.

Qeyd edək ki, B.Osmanov uzun illərdir icra hakimiyyətində başçının müavini vəzifəsində çalışırdı. Onu bu vəzifəyə 2004-2019-cu illərdə rayonun başçısı olmuş mərhum Şəmsəddin Xanbabayev təyin etmişdi.

Ötən ilin sentyabrında Bəxtiyar Osmanovun 50 yaşı tamam olub və həmin vaxt icra başçısı onu yubileyi ilə əlaqədar təltif edib.

Xatırladaq ki, Şəmsəddin Xanbabayev ötən ilin yanvar ayında 85 yaşında yaşadığı Xaçmaz şəhərində vəfat edib və Bakıdakı “Qurd qapısı” qəbiristanlığında dəfn edilib.]]> true https://qanunpress.az/bolge/27475-tovuzda-kd-yaayan-ana-v-olu-il-bal-rsmi-aqlama.html qanun bolge Fri, 23 Jan 2026 14:43:26 +0000




“Tovuz şəhərinin küçələrində uzun illərdir ki, bir ana və oğlu evsiz-eşiksiz, ac-susuz yaşayır”​.

Bu iddia ilə şəhər sakinləri “Səs” qəzetinə müraciət ediblər.

Müraciətdə bildirilib ki, Aybəniz adlı qadın və azyaşlı oğlu Ömər evsizdir, heç yerdən köməkləri yoxdur: “Hər gün küçələrdə, binaların bloklarında, vağzalda yatırlar, çox vaxt ac qalırlar. Hərdən kimsə 1-2 manat yardım edir və ya nəsə yeməyə bir şey alırlar. Uşaq çox ağıllıdır və istedadlıdır, amma məktəbə də gedə bilmir. Anasının psixi problemi var. Əgər bir sığınacaq verilməsə, çox güman ki, bu qışı çıxara bilməyəcəklər, soyuqdan və aclıqdan öləcəklər. Fotoda gördüyünüz kimi, gecəni şəhərin mərkəzi meydanında skamyada yatmaqla keçiriblər”.

Məsələ ilə bağlı Əmək və Əhalinin Sosial Müdafiəsi Nazirliyinə sorğu ünvanladıq. Qurumdan saytımıza belə cavab verildi: “Tovuz rayonunda çətin həyat şəraiti ilə qarşılaşan vətəndaş və övladı ilə bağlı məlumat daxil olan kimi Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları prosesə cəlb olunub.

Sözügedən şəxslərin Aybəniz Arif qızı Qasımova və 12 yaşlı övladı Ömər olduğu müəyyən edilib. Onların mövcud vəziyyətləri qiymətləndirilib. Hazırda Sosial Xidmətlər Agentliyinin əməkdaşları aidiyyəti qurumlarla koordinasiyalı şəkildə iş aparır. Aybəniz Qasımovanın psixoloji vəziyyəti nəzərə alınaraq onun Qazax Rayon Psixiatriya Xəstəxanasına, 12 yaşlı övladının isə müvafiq səhiyyə müəssisəsinə yerləşdirilməsi ilə bağlı fəaliyyət həyata keçirilir. Uşağın müayinə və vəziyyətinin qiymətləndirilmə prosedurları bitdikdən sonra isə o, daimi qayğı ilə əhatə olunması üçün qanunvericiliyə uyğun olaraq müvafiq uşaq müəssisəsinə yerləşdiriləcək”.]]> true https://qanunpress.az/bolge/27457-bu-df-21-illik-mavini-il-yana-onlar-da-idn-xard.html qanun bolge Wed, 21 Jan 2026 14:07:42 +0000




Balakən Rayon İcra Hakimiyyətində (RİH) kadr dəyişiklikləri həyata keçirilib.

“Qafqazinfo” İqtisadiyyat.az-a istinadən xəbər verir ki, bununla bağlı icra başçısı Natiq Ağayev müvafiq əmrlər imzalayıb.

Belə ki, icra başçısının birinci müavini Turan Dibirov vəzifəsindən azad edilərək başçının müavini - Sosial-iqtisadi və memarlıq-tikinti məsələləri şöbəsinin müdiri vəzifəsinə təyin olunub.

Eyni zamanda, icra başçısının digər müavini Nəzakət Rüstəmova da 21 ildir çalışdığı vəzifəsindən azad edilib.

Bundan əlavə, icra başçısının köməkçisi Aydın Xoçberov vəzifəsindən azad olunaraq, Sənəd dövriyyəsi, vətəndaş müraciətləri və inzibati işlər şöbəsinin Sənədlərlə və vətəndaşların müraciətləri ilə iş sektorunda məsləhətçi (vətəndaşların müraciətləri üzrə işin aparıcısı) vəzifəsinə təyinat alıb.

Elxan Murtuzov sektor müdiri - baş mühasib vəzifəsindən azad olunub. O, yeni yaradılan İnzibati işlər sektorunda aparıcı məsləhətçi (mühasib) vəzifəsinə təyin edilib. Sektor müdiri - baş mühasib vəzifəsi isə vakansiyaya çıxarılıb.

Hüquq şöbəsinin müdiri Pirdas Qardaşova da vəzifəsindən azad olunaraq, hüquq və kadr məsələləri sektoruna məsləhətçi təyin edilib. Sektor müdiri vəzifəsi vakansiyaya çıxarılıb.

Rayonun baş memarı Tahir Rəcəbov da vəzifəsindən azad edilib, yeni yaradılan Memarlıq-tikinti məsələləri sektoru sektor müdiri (baş memar) vəzifəsi vakant elan olunub.

Sənədlərlə və vətəndaşların müraciətləri ilə iş şöbəsinin müdiri Nərgiz Hacıxanova da vəzifəsindən azad edilib və şöbə sektora çevrilib, hazırda sektor müdiri vəzifəsi vakantdır.

Vətən müharibəsi iştirakçıları və şəhid ailələri ilə işin təşkili şöbəsi sektora çevrilib. Sektorun müdiri vəzifəsi vakansiyaya çıxarılıb.

Əvvəllər şöbəyə rəhbərlik edən Ağa Ağayev isə məsləhətçi vəzifəsinə təyin edilib.

Qeyd edək ki, RİH-də həyata keçirilən struktur dəyişikliyi nəticəsində daha bir neçə nəfər işdən çıxarılıb.

Xatırladaq ki, Natiq Ağayev ötən ilin sonunda 23 illik müavini Mehparə Nuriyevanı vəzifəsindən azad etmişdi.]]> true https://qanunpress.az/bolge/27373-zaqatalada-qza-xsart-alan-var.html qanun bolge Mon, 29 Dec 2025 15:29:06 +0000





Zaqatalada iki minik avtomobili toqquşub.
Hadisə Yevlax-Zaqatala-Gürcüstan sərhəd magistral yolunun rayonun Yuxarı Tala kəndi ərazisindən keçən hissəsində baş verib.

Belə ki, 1984-cü il təvəllüdlü rayonun Svagil kənd sakini Tevruzov Şəhmir Əlimirzə oğlunun idarə etdiyi “Vaz 21010” markalı və Aşağı Tala kənd sakini 1957-ci il təvəllüdlü Qurbanov Əli Kamil oğlunun idarə etdiyi “Opel” markalı iki avtomobil toqquşub.

Hadisə zamanı “Vaz 21010” dakı sərnişin rayonun Svagil kənd sakini 1984-cü il təvəllüdlü Əliyev Cəmil Cəmil oğlu müxtəlif sınıq xəsarətləri alaraq Zaqatala Rayon Mərkəzi Xəstəxanasına yerləşdirilib.]]> true https://qanunpress.az/bolge/26796-astarada-da-dabaq-xstliyi-yaylb.html qanun bolge Tue, 14 Oct 2025 14:34:08 +0000





Son vaxtlar bir çox rayonlarda olduğu kimi, Astarada da mal-qara arasında dabaq xəstəliyi yayılıb.
Xəstəlik rayonun Seləkəran, Giləkəran, Kələdəhnə, Böyük Şahağacı, Suparibağ, Şiyəkəran və Ərçivan qəsəbələrində mal-qarada aşkarlanıb.
Kənd sakinlərinin sözlərinə görə, dabaq xəstəliyi son 10 gündə sürətlə yayılıb: “Xəstə heyvanlarda hərarət 42 dərəcəyədək çatır və ağızlarından köpük gəlir. Sağlam olanları xəstəlikdən qorumaq üçün çalışırıq ki, qapalı saxlayaq”.

Həmçinin sakinlər xəstəliyin müalicəsi məqsədilə istifadə olunan dərmanların qıt və baha olduğunu bildirirlər.]]>