Azərbaycanın orta ixtisas təhsili sistemində ixtisaslı kadr hazırlığı mühüm əhəmiyyət daşıyır. Bu sahədə fəaliyyət göstərən təhsil müəssisələrinin uğuru ilk növbədə səmərəli idarəçilik, peşəkar müəllim heyəti və müasir təhsil yanaşmalarından asılıdır. UNEC nəzdində Qida Sənayesi Kollecinin direktoru Sevinc Həmzəyevanın fəaliyyəti də bu istiqamətdə həyata keçirilən işlərlə diqqət çəkir.
Sevinc Həmzəyeva uzun illər təhsil sahəsində çalışaraq müəllim, şöbə müdiri və direktor müavini kimi zəngin idarəçilik təcrübəsi qazanıb. 2024-cü ildə kollecə direktor təyin olunması onun bu sahədə topladığı bilik və təcrübəyə verilən etimadın göstəricisi kimi qiymətləndirilə bilər.
Onun rəhbərliyi dövründə kollecdə tədrisin keyfiyyətinin yüksəldilməsi, tələbələrin peşə hazırlığının gücləndirilməsi, istehsalat təcrübəsinin genişləndirilməsi və əmək bazarının tələblərinə uyğun mütəxəssis hazırlığının inkişafı istiqamətində müxtəlif təşəbbüslər həyata keçirilir. Təhsil prosesində müasir idarəetmə prinsiplərinin tətbiqi və tələbəyönümlü yanaşmanın gücləndirilməsi əsas prioritetlərdən hesab olunur.
Kollecin sənaye müəssisələri ilə əməkdaşlığının inkişaf etdirilməsi də gələcək mütəxəssislərin praktiki bilik və bacarıqlarının artırılmasına xidmət edir. Bu cür əməkdaşlıqlar tələbələrin real istehsalat mühiti ilə yaxından tanış olmasına və gələcək peşə fəaliyyətinə daha hazırlıqlı başlamasına şərait yaradır.
Sevinc Həmzəyeva təhsil müəssisəsində sağlam mənəvi mühitin formalaşdırılmasına, müəllim və tələbələrin fəallığının artırılmasına, eləcə də vətənpərvərlik və milli-mənəvi dəyərlərin təbliğinə xüsusi önəm verən rəhbərlərdən biri kimi tanınır. Kollecdə keçirilən maarifləndirici, elmi və sosial layihələr tələbələrin hərtərəfli inkişafına töhfə verməyi qarşıya məqsəd qoyur.
Bu gün UNEC nəzdində Qida Sənayesi Kolleci ölkənin qida sənayesi üçün peşəkar orta ixtisaslı kadrların hazırlanmasında mühüm rol oynayan təhsil müəssisələrindən biri olaraq fəaliyyətini davam etdirir. Bu istiqamətdə rəhbərlik tərəfindən həyata keçirilən yeniliklər və inkişaf təşəbbüsləri kollecin gələcək perspektivlərinin daha da genişlənməsinə xidmət edir.
Sevinc Həmzəyevanın fəaliyyəti göstərir ki, peşəkar idarəçilik, təhsilə məsuliyyətli yanaşma və inkişafı hədəfləyən təşəbbüslər təhsil müəssisələrinin uğurunda mühüm rol oynayır. Ona gələcək fəaliyyətində yeni uğurlar, kollecin kollektivinə isə yeni nailiyyətlər arzulayırıq.